top banner

“Парисын Их дуулга”-д хүчээ сорих жүдочид өнөөдөр хилийн чанадыг зорив


2018-02-08 17:12:13
Зураг
Улаанбаатар /МОНЦАМЭ/. Энэ сарын 10-11-нд болох жүдо бөхийн “Парисын Их дуулга – 2018” тэмцээнд оролцох Монголын баг тамирчид өнөөдөр өглөө Франц улсыг зорилоо.

Манай багийн бүрэлдэхүүнд эрэгтэйчүүдийн 60 кг-д Г.Болдбаатар, Б.Амартүвшин, 66 кг-д Г.Хэрлэн, Ё.Басхүү, 73 кг-д Ц.Цогтбаатар, Н.Хадбаатар, 81 кг-д Н.Дагвасүрэн, О.Ууганбаатар, 90 кг-д Н.Алтанбагана, Э.Мөнхжаргал, -100 кг-д Л.Отгонбаатар, +100 кг-д Ө.Дүүрэнбаяр, Б .Тэмүүлэн нар оролцоно.

Харин эмэгтэй жүдочдоос 48 кг-д М.Уранцэцэг, Б.Хорлоо, 52 кг-д Ч Аззаяа, Б Хорлоодой, 57 кг-д Д.Сумьяа, Л.Энхрийлэн, 63 кг-д Б.Мөнгөнчимэг, Б.Ганхайч, 70 кг-д Ц.Наранжаргал, +78.кг-д Э Гандиймаа нар хүч, ур чадвараа сорино.

Тэмцээнийн нийт шагналын сан нь 154 мянган ам.доллар бөгөөд алтан медаль 5000 ам.доллар, мөнгөн медаль 3000 ам.доллар, хүрэл медалийг 1500 ам.доллар дагалдах.

Д.Өлзий

Монгол брэнд