top banner

Хөвсгөл нууран дээр мөсөн шагай харваж, морин чаргаар уралдана


2018-01-30 17:35:51
Зураг
Улаанбаатар /МОНЦАМЭ/. “Хөх сувд-2018” мөсний баярыг Хөвсгөл нуурын мөсөн дээр ирэх 3 дугаар сарын сарын 3-4-ний өдөр болно. 

Монгол оронд өвлийн аялал жуулчлалыг хөгжүүлэх, аялал жуулчлалын улирлын хугацааг уртасгах, Хөвсгөл далай, энэ нутгийн үзэсгэлэнт байгалийг хамгаалах, байгаль орчиндоо ээлтэй, хариуцлагатай аялал жуулчлалыг дэмжих зорилготой энэ баярыг зохиодог.

Мөн орон нутгийнханд өвөл орлого олох боломжийг нэмэгдүүлэхээр “Хөх сувд” уламжлалт мөсний баярыг 19 дэх жилдээ зохион байгуулж байна. Мөсний баярт зөвхөн Монголчууд төдийгүй гадаадын жуулчид ирж оролцдог. Өнгөрсөн жилийн хувьд 10 мянга гаруй зочин хүрэлцэн иржээ.



Баярын үеэр төрөл бүрийн тэмцээн, уралдаан зохион байгуулж мөсөн хотхоноор аялж, мөсөн шагай харваж, морин чарга хөлөглөн салхи татуулан давхидаг билээ. Мөн нутгийн уугуул иргэд, гар урчуудын урлан бүтээсэн бүтээлүүдийн үзэсгэлэнг сонирхохын зэрэгцээ үүнээс худалдан авах боломжтой юм.

Д.Өлзий

Сурталчилгаа
Монгол брэнд