top banner
Шуурхай мэдээ

Тэсийн голын хөндийгөөр 50 градус хүрч хүйтэрч байна


2018-01-03 13:03:29
Зураг
 Увс /МОНЦАМЭ/. Энэ оны 1 дүгээр сарын 2-9-ийг хүртэлх аймгийн 7 хоногийн цаг агаарын урьдчилсан дүн мэдээ гарсан байна. Хугацааны эхээр нутгийн баруун хагаст, дунд үеэр ихэнх нутгаар цас орж, цасан шуурга шуурч, хүйтний эрч чангарах юм байна.
Энэ сарын 3-4-нд нутгийн өмнөд хагаст, 5-нд нутгийн зүүн хэсгээр цас орж, зөөлөн цасан шуурга шуурах аж. “Салхи нутгийн өмнөд хэсгээр 9-14 м/с хүрч ширүүснэ. Хүйтний эрч чангарч Тэсийн голын хөндийгөөр шөнөдөө 44-49 градус, өдөртөө 32-37 градус хүйтэн байна” хэмээн аймгийн Ус, цаг уур, орчны шинжилгээний албанаас мэдээллээ. Увс аймгийн Тэс сум нь өвөлдөө 50 хэм хүрч хүйтэрч, зундаа 40 хэм хүрч халдаг эрс тэс уур амьсгалтай бөгөөд энэ жилийн хувьд Тэс нэрээ мөн л хадгалж байна.
Б.Батхүү

Монгол брэнд