top banner

Оюутолгойд гарсан галын шалтгаан, хохирлын хэмжээ тогтоогдоогүй байна


2018-01-01 16:44:48
Зураг
Өмнөговь /МОНЦАМЭ/ Өмнөговь аймгийн Ханбогд сумын нутагт байх Оюутолгойн уурхайн төслийн талбайд өчигдөр гал гарсан тухай манайх мэдээлсэн билээ. 
Энэ талаар тус аймгийн Онцгой байдлын газрын дарга Л.Баярсайханаас тодруулахад гал бүрэн унтарсан, манайхаас таван хүний бүрэлдэхүүнтэй ажлын хэсэг газар дээр нь өнөөдрөөс ажиллаж байгаа гэлээ.  
Оюутолгой уурхайн төслийн талбайд байрлах 30х16 хэмжээтэй сэндвичин байшинд гал гарсан бөгөөд тэнд ажиллаж байгаа ажлын хэсгийн дүгнэлт 3 хоногийн дараа гарах юм байна. Энэхүү барилга нь хувцасны агуулах байсан бөгөөд хохирлын хэмжээ мөн адил гараагүй байна.
Д.Мишигсүрэн


Монгол брэнд