top banner

Уран бүтээлчид Засгийн газрын мөнгөн шагнал гардав


2017-12-27 17:14:42
Зураг
Улаанбаатар /МОНЦАМЭ/. Олон улсын уралдаан тэмцээнд онцгой амжилт гаргасан уран бүтээлчдэд Засгийн газрын тогтоолоор мөнгөн шагнал олгодог уламжлалтай. Энэхүү шалгуурыг 2017 онд хангасан уран бүтээлчдэд өнөөдөр шагналыг нь БСШУС-ын сайд Ц.Цогзолмаа гардуулан өглөө.

БНХАУ-ын Учо хотод болсон Олон улсын Циркчдийн уралдаанаас алтан медаль хүртсэн Монгол циркийн хөгжлийн төвийн циркийн уран бүтээлчид, ОХУ-ын Санкт-Петербургт болсон дуурийн залуу дуулаачдын уралдаанд хоёрдугаар байр эзэлсэн Э.Анхбаяр, АНУ-ын IBLA сангаас зохион байгуулдаг Барток Кабалевский-Прокофьевын нэрэмжит төгөлдөр хуурчдын уралдаанд хоёрдугаар байр эзэлсэн Монгол Улсын консерваторийн суралцагч М.Заяа, Д.Сувд, Г.Энхцаг, Г.Итгэлтөгс, Н.Цогт, Г.Анар, гуравдугаар байр эзэлсэн суралцагч Б.Есүй нар шагналаа гардсан юм.

Ж.Болор

Монгол брэнд