Жүжигчин Д.Баттөмөр “Алтан гадас” одонгоор энгэрээ мялаав

Монголын мэдээ | Соёл урлаг
bolor@montsame.mn
2017-12-22 16:36:04
Улаанбаатар /МОНЦАМЭ/. Монгол Улсын Ерөнхийлөгчийн зарлигаар Хошин урлаг төдийгүй кино урлагийн салбарын хөгжилд үнэтэй хувь нэмэр оруулж, сүүлийн 10 гаруй жил тайз, дэлгэцийн олон бүтээлээрээ үзэгчдийн сэтгэлд хоногшсон ард түмний хайр хүндлэлийг хүлээсэн МУСТА, жүжигчин Д.Баттөмөрт  “Алтан гадас” одон хүртээлээ. 

Шагналыг өнөөдөр БСШУС-ын сайд Ц.Цогзолмаа гардуулан өгөв. Ард түмний дунд “Банш Батаа” хэмээн алдаршсан тэрбээр өмнө нь Сайдын тушаалаар Монгол Улсын Соёлын Тэргүүний ажилтан, Ерөнхийлөгчийн зарлигаар Хөдөлмөрийн хүндэт медалиар тус тус шагнуулж байв хэмээн БСШУСЯ-ны хэвлэл мэдээллийн албанаас мэдээллээ.
                    
Холбоотой мэдээ