top banner
Шуурхай мэдээ

Кибер гэмт хэрэгтэй тэмцэх хэлтэст мэдэгдэл хүргүүлэв


2017-12-12 12:49:01
Зураг
Улаанбаатар /МОНЦАМЭ/. Автотээврийн үндэсний төв (АТҮТ)-ийн удирдлагууд Эрүүгийн цагдаагийн газрын Кибер гэмт хэрэгтэй тэмцэх хэлтэст мэдэгдэл хүргүүлжээ.

Өнгөрсөн амралтын өдрүүдэд буюу энэ сарын 09-10-нд АТҮТ-ийн захирал П.Дэлгэрнаран Эрээн-Замын-Үүд чиглэлийн улс хоорондын зорчигч тээврийн автобусанд 1000 ширхэг тарваганы арьс хууль бусаар хил нэвтрүүлж байгаад саатуулагдлаа гэсэн мэдээлэл олон нийтийн сүлжээ буюу фэйсбүүк, твиттерээр тархсан. Тус төвөөс энэхүү мэдээллийг үгүйсгэж байгаа бөгөөд анх олон нийтийн сүлжээгээр цацсан иргэдийг тогтоож, хариуцлага хүлээлгэхийг Кибер гэмт хэрэгтэй тэмцэх хэлтэст хүргүүлсэн мэдэгдэлдээ дурьджээ.
Мөн тус төвийн удирдлагуудын нэр хүндэд халдсан нь хэсэг бүлэг хүмүүсийн хувийн ашиг сонирхлын зөрчилтэй холбоотой хэмээн үзэж байгаа аж.
Ч.Ариунболд

Монгол брэнд