top banner
Шуурхай мэдээ

БНСУ-д мэс засал хийлгэсэн иргэд эх орондоо үргэлжлүүлэн эмчилгээ хийлгэх боломжтой боллоо


2017-12-07 10:42:51
Зураг
Улаанбаатар /МОНЦАМЭ/. Улсын Нэгдүгээр төв эмнэлэг, БНСУ-ын Гэгээн Мария эмнэлэгтэй “Эмчилгээний дараах хяналтын төв” байгуулах төсөлд хамтран ажиллах санамж бичигт гарын үсэг зурлаа. 

Энэхүү төвийг байгуулснаар БНСУ-д мэс засал болон эмчилгээ хийлгэсэн Монгол иргэд эх орондоо хяналтанд орох, нөхөн сэргээх эмчилгээ хийлгэх боломж бүрдэв. Манай улсын иргэдийн хувьд БНСУ-д ихээр эмчлүүлдэг боловч эмчилгээний дараах хяналт хаягдах, доод тал нь 2-3 удаа тухайн улс руу зорчих нь санхүүгийн дарамт болохоос гадна цаг хугацаа алддаг. Тэгвэл төсөл хэрэгжсэнээр хоёр улсын эмч, мэргэжилтнүүд харилцан мэдээлэл, туршлага солилцох, БНСУ-д оношилгоо, эмчилгээ хийлгэсэн өвчтөнүүдэд эмчилгээний дараах зөвлөгөө, үйлчилгээг үзүүлэх зорилгоор эх орондоо мэдээлэл харилцааны технологид суурилсан төвтэй болох юм.
Сүүлийн хоёр жилд зайлшгүй шаардлагаар БНСУ-д эмчилгээнд хамарсан 115 иргэн байгаа аж.
Дашрамд дурдахад, УНТЭ нь Гэгээн Мария эмнэлэгтэй 2012 оноос чөмөг шилжүүлэн суулгах төсөлд хамтран ажиллаж байна. 
Ж.Болор

Монгол брэнд