Амралтын өдрүүдээр 21 хүүхэд мэндэлжээ

ОРОН НУТГИЙН МЭДЭЭ | ДОРНОГОВЬ
erdenebulgan@montsame.mn
2018-01-02 15:09:31
Дорноговь /МОНЦАМЭ/. 2017 оны сүүлийн гурав, 2018 оны эхний өдөр буюу амралтын дөрвөн өдөр Дорноговь аймгийн хэмжээнд 21 хүүхэд эсэн мэнд мэндэлжээ.
Шинээр мэндэлсэн нярай хүүхдүүдийн 12 нь хүү, ес нь охин бөгөөд эх, хүүхдийн бие сайн байгаа талаар аймгийн ЭМГ-аас мэдээлэв.
Харин 2018 оны 01 дүгээр сарын 00.00 цагаас 02-ны 00.00 цаг хүртэлх хугацаанд хоёр нярай мэндэлсэн байна. Тодруулбал, нэгдүгээр сарын нэгний өглөөний 09.48 минутад Хөвсгөл сумын иргэн Б.Мөнхтуяа нярайлж гурав дахь охиноо өлгийдөн авсан бол  өдрийн 12.16 минутад Өргөн сумын иргэн Т.Зул-Эрдэнэ  анхныхаа төрөлтөөр  охинтой болсон аж.
Дашрамд дурдахад одоогоос нэг жилийн өмнө буюу 2017 оны амралтын дөрөв хоногт Дорноговь аймгийн хэмжээнд нийт 22 нярай эсэн мэнд мэндэлж байжээ.  
Х.Эрдэнэбулган
Холбоотой мэдээ