Улаанбаатар
"Говь” ХК салбар дэлгүүр Москвад нээлээ
ХИЛИЙН ЧАНАДААС
Москва /МОНЦАМЭ/. “Говь” брэнд албан ёсны борлуулагчаараа дамжуулан Москва хотын “Авиапарк” худалдааны төвд энэ сарын 2-нд салбар дэлгүүрээ нээлээ.
Шинэ дэлгүүрийн нээлтэд Монгол Улсаас ОХУ-д суугаа Онц бөгөөд Бүрэн эрхт Элчин сайд Б.Дэлгэрмаа, Сингапур Улсаас ОХУ-д суугаа Онц бөгөөд Бүрэн эрхт Элчин сайд Лим Кхенг Хуа зэрэг хүндтэй зочид оролцож тус хотод сурч буй авьяаслаг залуус ая дуугаа өргөлөө.
"Говь" ХК-ийн Москва дахь албан ёсны борлуулагч Лариса Дюбкина “Монгол ноолууран бүтээгдэхүүн дэлхийн зах зээлд өрсөлдөх чадвараараа тэргүүлдэг. Манай Оросын зах зээлд ч танигдсан энэхүү брэндийг Москва хотын хэрэглэгчдэд хүргэж буйдаа баяртай байна. "Говь" брэндийн дэлгүүр ОХУ-ын Москва болон хэд хэдэн хотуудад байдаг ч тэр бүр үйлчлүүлэхэд тав тухтай орчныг бүрдүүлээгүй байдаг. Монголд байдаг "Говь" ХК-ийн нэрийн дэлгүүрүүд шиг чанарын шаардлага хангасан орчныг бүрдүүлэхийг зорьсон” хэмээн онцлов. Мөн тус дэлгүүрийн худалдан авагч Мария "Эгч маань монгол явж ирээд надад ноолууран цамц бэлэглэж байсан. Тэр үеэс монгол ноолууран бүтээгдэхүүн таалагдах болсон. Харин одоо хүссэн үедээ ирж худалдан авах боломжтой боллоо. Одоо надад ноолууран пальто их таалагдаж байгаа” хэмээн сэтгэгдлээ хуваалцав.
Шинэ дэлгүүрийн нээлтэд Монгол Улсаас ОХУ-д суугаа Онц бөгөөд Бүрэн эрхт Элчин сайд Б.Дэлгэрмаа, Сингапур Улсаас ОХУ-д суугаа Онц бөгөөд Бүрэн эрхт Элчин сайд Лим Кхенг Хуа зэрэг хүндтэй зочид оролцож тус хотод сурч буй авьяаслаг залуус ая дуугаа өргөлөө.
"Говь" ХК-ийн Москва дахь албан ёсны борлуулагч Лариса Дюбкина “Монгол ноолууран бүтээгдэхүүн дэлхийн зах зээлд өрсөлдөх чадвараараа тэргүүлдэг. Манай Оросын зах зээлд ч танигдсан энэхүү брэндийг Москва хотын хэрэглэгчдэд хүргэж буйдаа баяртай байна. "Говь" брэндийн дэлгүүр ОХУ-ын Москва болон хэд хэдэн хотуудад байдаг ч тэр бүр үйлчлүүлэхэд тав тухтай орчныг бүрдүүлээгүй байдаг. Монголд байдаг "Говь" ХК-ийн нэрийн дэлгүүрүүд шиг чанарын шаардлага хангасан орчныг бүрдүүлэхийг зорьсон” хэмээн онцлов. Мөн тус дэлгүүрийн худалдан авагч Мария "Эгч маань монгол явж ирээд надад ноолууран цамц бэлэглэж байсан. Тэр үеэс монгол ноолууран бүтээгдэхүүн таалагдах болсон. Харин одоо хүссэн үедээ ирж худалдан авах боломжтой боллоо. Одоо надад ноолууран пальто их таалагдаж байгаа” хэмээн сэтгэгдлээ хуваалцав.
Л.Нандиа
