ББСБ-ууд 1.4 их наяд төгрөгийн зээлийн үлдэгдэлтэй байна
МОНГОЛЫН МЭДЭЭ | ЭДИЙН ЗАСАГУлаанбаатар /МОНЦАМЭ/. Манай улсад энэ оны III улирлын байдлаар нийт 533 ББСБ ажиллаж байгааг СЗХ-ноос мэдээлэв. Тэдгээрийн нийт хөрөнгийн хэмжээ 1.9 их наяд төгрөгт хүрснийг танилцууллаа. Энэ нь өмнөх оны мөн үеийнхээс 19.3 хувиар нэмэгдсэн үзүүлэлт юм.
ББСБ-ууд 1.4 их наяд төгрөгийн зээлийн үлдэгдэлтэй байна. Энэ нь өмнөх оны мөн үеэс 16.1 хувиар өсжээ. Зээлийн үлдэгдлийн 47.1 хувь нь хэрэглээний зээл байна. Зээлийн нийт үлдэгдлийн:
- 85.5 хувийг иргэдийн зээл,
- 14.5 хувийг хуулийн этгээдийн зээлийн үлдэгдэл тус тус эзэлж байна.
ББСБ-уудын нийт хөрөнгийн хэмжээ 1.9 их наяд төгрөгт хүрчээ.
Чанараар ангилбал:
- 86.7 хувийг хэвийн зээл,
- 3.8 хувийг хугацаа хэтэрсэн зээл,
- 9.4 хувийг чанаргүй зээл тус тус эзэлжээ.
Гэрэл зургийг Т.Чимгээ