896 иргэн татварын буцаан олголт эдэлнэ
ОРОН НУТГИЙН МЭДЭЭ | СҮХБААТАРСүхбаатар /МОНЦАМЭ/. Хувь хүний орлогын албан татварын 2019 оны хөнгөлөлт,
буцаан олголтыг тус аймгийн хэмжээнд 896 иргэн эдэлнэ. Эдгээр иргэдэд нийт 464
сая төгрөгийг буцаан олгох эрхийг аймгийн Санхүү төрийн сангийн хэлтэст шилжүүлсэн
гэдгийг аймгийн Татварын хэлтсээс мэдээллээ.
Шинээр орон сууц
худалдан авсан болон оюутны сургалтын төлбөр төлсөн иргэд нийт үнийн дүнгийн 10
хувийн хөнгөлөлтийг эдэлдэг. 2019 онд дээрх төлбөрүүдийг төлсөн иргэд 2020 оны
02 дугаар сард бичиг баримтаа бүрдүүлэн өгснөөр ийнхүү хөнгөлөлт эдлэх боломж нь
бүрджээ.
Харин 2020 онд
шинээр орон сууц худалдан авсан болон сургалтын төлбөр төлсөн иргэд 2021 онд буцаан
олголтоо авна. Ингэхдээ татварын шинэчилсэн хуулийн дагуу хөнгөлөлт эдлэх юм.