Улаанбаатар
"ОПЕК"-ийн орнууд нэг өдрийн дотор 500 сая ам.долларын алдагдал хүлээжээ
ДЭЛХИЙН МЭДЭЭ | ЭДИЙН ЗАСАГ
ЛОНДОН. /Reuters/. Газрын тосны
олборлолтыг бууруулах тухай яриа хэлэлцээ бүтэлгүйтсэний дараа газрын тосны үнэ огцом унаж, "ОПЕК”
буюу Нефть экспортлогч улсуудын байгууллагын гишүүн орнууд нэг өдрийн дотор 500
сая орчим ам.долларын орлогоо алджээ.
Лондоны “ICE” биржийн
даваа гаргийн арилжааны явцад “Brent” маркийн нефтийн тавдугаар сард нийлүүлэх
гэрээний үнэ нэг торх нь 31.02 ам.долларт хүрч буурсан юм. Харин “WTI” маркийн
нефтийн дөрөвдүгээр сард нийлүүлэх хэлцлийн үнэ нэг торх нь 27.59 ам.доллароор
арилжаалагджээ.
"ОПЕК+"
буюу Нефть экспортлогч улсуудын байгууллагын гишүүн болон гишүүн бус 11 орон
олборлолтынхоо хэмжээг бууруулах асуудлаар тохиролцоонд хүрч чадаагүй гэж
мэдээлсний дараа нефтийн үнэ унасан байна. 2020 оны эцэс хүртэл олборлолтын
хэмжээг өдөрт 1.5 сая торхоор бууруулахыг ОПЕК санал болгожээ. Гэвч энэ саналыг
ОХУ болон Казахстан эсэргүүцсэн байна.
