Улаанбаатар
Монголын Мянганы сорилтын сангийн Удирдах зөвлөлийн анхдугаар хуралдаан болов
МОНГОЛЫН МЭДЭЭ | ГХЯ-НЫ МЭДЭЭ
Улаанбаатар /МОНЦАМЭ/. Монголын Мянганы сорилтын сан (ММСС)-гийн Удирдах зөвлөлийн анхдугаар хуралдаан 2018 оны 12 дугаар сарын 13-нд Гадаад харилцааны яаманд боллоо. Хуралдаанаар Монголын Мянганы сорилтын сангийн дүрэм, зохион байгуулалтын бүтцийг хэлэлцэн баталж тогтоол гаргахаар шийдвэрлэв.
Монгол Улсын Засгийн газар, АНУ-ын Мянганы сорилтын корпораци хооронд 2018 оны 7 дугаар сарын 27-ны өдөр байгуулсан Мянганы сорилтын компакт гэрээний дагуу Улаанбаатар хотын ус хангамжийг нэмэгдүүлэхэд АНУ-аас Монгол Улсад 350 сая ам.долларын буцалтгүй тусламж үзүүлэхээр болсон билээ.
Компакт гэрээний дагуу Засгийн газрын эрх, үүргийг хэрэгжүүлэх “Монголын Мянганы сорилтын сан” төрийн өмчит хуулийн этгээдийг Засгийн газар 2018 оны 297 дугаар тогтоолоор байгуулж, Удирдах зөвлөлийн бүрэлдэхүүнийг баталсан юм.
