Улаанбаатар
Орхон аймгийн 20 эмийн сан хөнгөлөлттэй үнээр эм олгож байна
ОРОН НУТГИЙН МЭДЭЭ | ОРХОН
Орхон/МОНЦАМЭ/ Эрүүл мэндийн газар, Эрүүл мэндийн даатгалын тасаг, Өрхийн эрүүл мэндийн төв хамтран хөнгөлөлттэй үнээр олгодог эмийн талаар мэдээлэл хийлээ.
Энэ оны дөрөвдүгээр сарын нэгнээс хөнгөлөлттэй үнээр олгодог
эмийн жорыг цахимаар бичдэг болсон. Энэ нь ӨЭМТ болон эмийн сангийн ачааллыг
бууруулж, иргэдэд чирэгдэл багатай үйлчлэх гол зорилготой юм.
Мөн энэ оны долоодугаар сард Эрүүл мэндийн даатгалын үндэсний зөвлөлөөс хөнгөлөлттэй үнээр олгодог эмийн жагсаалтыг
шинэчлэн баталж нийт 173 ерөнхий нэршлийн 651 эмийн үнийг 20-80 хувь, хүүхдэд зориулсан 173 эмийг 50-80 хувь хөнгөлөлттэй үнээр
иргэдэд олгож байна.
Орхон аймагт хөнгөлөлттэй үнийн эмийн жор бичдэг 63 эмч
байна. Үүний 51 нь ӨЭМТ, 12 нь БОЭТ-ийн эмч нар юм. Нийт 20 эмийн сангаар хөнгөлөлттэй үнийн эм олгож байна. Жилд ойролцоогоор
нэг тэрбум төгрөгийн санхүүжилтыг дээрх эмийн сангуудад хуваарилдаг ажээ.
