Зэвсэглэсэн этгээд засгийн газрын байр руу нэвтрэн орохыг завджээ

ДЭЛХИЙН МЭДЭЭ | НИЙГЭМ
ayanzaya@montsame.gov.mn
2018-11-19 15:14:13

КАМЧАТКА ./АиФ/ОХУ-ын Камчаткийн хязгаарын засгийн газрын байр руу нэвтрэн орохыг завдсан зэвсэглэсэн этгээдийг баривчлан саатуулжээ.


Нэгэн настай эр засгийн газрын байранд дөхөн очиж, хаалганых нь дэргэд уутнаас буутай төстэй эд зүйл гаргаж ирэн байр руу орохыг завдсан байна. Харуул хамгаалалтын ажилтнууд хаалгыг цоожилж, цагдаа нарыг дууджээ.


Оросын Үндэсний гвардын цэргийн алба болон дотоод хэргийн яамны Камчаткийн хязгаарын асуудал эрхэлсэн ажилтнууд хамтран ажилласны дүнд зэвсэглэсэн этгээдийг баривчлан саатуулсан байна. Одоогоор энэ хэргийг мөрдөн шалгаж байгаа аж. 

Холбоотой мэдээ