Улаанбаатар
Улсын тэргүүний Сэлэнгэ сумын баг түрүүллээ
ОРОН НУТГИЙН МЭДЭЭ | БУЛГАН
Булган /МОНЦАМЭ/ Булган
аймгийн хойд бүсийн сумын нутгийн удирдлагын байгууллагын ажилтан
албан хаагчдын "Нөхөрсөг уулзалт-2018"
нэгдсэн арга хэмжээ Сэлэнгэ суманд боллоо.
Сэлэнгэ,
Булган, Баян-Агт, Бугат, Хангал, Хутаг-Өндөр, Тэшиг сум, Хялганат тосгоны 220
гаруй төрийн ажилтан албан хаагчид 5 төрлийн тэмцээнээр өрсөлдсөн байна. Багийн
нийлбэр дүнгээр Улсын тэргүүний Сэлэнгэ сум 1-р байр эзэлж, шилжин явах цом авч, Хутаг-өндөр, Булган сум удаах байр эзэлжээ.
Волейболын тэмцээнд эрэгтэйчүүдээс Ц.Ууганбаяр,
З.Батбагана, С.Рагчаа ахлагчтай Сэлэнгэ, Булган, Тэшиг, эмэгтэйчүүдээс
Х.Эрдэнэцэцэг, Б.Болормаа, Д.Ариунжаргал ахлагчтай Хутаг-Өндөр, Тэшиг, Бугат
сумын баг эхний байрт орлоо. Хөгжөөнт буухай тэмцээнд Булган, Сэлэнгэ,
Хутаг-Өндөр сумын баг шалгарсан бол ширээний теннисний төрөлд эрэгтэйчүүдээс Сэлэнгэ
сумын Г.Баттулга, Баян-Агт сумын Ж.Ганболд, Булган сумын З.Батбагана, эмэгтэйчүүдээс
Хутаг-Өндөр сумын Э.Эрдэнэцэцэг, Сэлэнгэ сумын П.Бэрцэцэг, Тэшиг сумын
Б.Майцэцэг нар ур чадвараараа өрсөлдөгчөө илүүрхсэн байна. Шатарчин
эрэгтэйчүүдээс Булган сумын Б.Батбаяр, Сайхан сумын С.Лувсанцоодол, Сэлэнгэ
сумын Г.Мэргэнбаатар, эмэгтэйчүүдээс Хутаг-Өндөрийн Г.Отгонбямба, Баян-Агтын
Ж.Байгалмаа, Сайхан сумын Д.Одонтунгалаг нар бусдаасаа илүү хожил авчээ.
