Улаанбаатар
УИХ дахь намын бүлгүүд хуралдана
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. УИХ дахь намын бүлгүүд өнөөдөр хуралдаж, энэ долоо хоногт чуулганы нэгдсэн хуралдаанаар хэлэлцэх хууль, тогтоолын төслүүдийн талаар баримтлах байр суурь, санал дүгнэлтээ нэгтгэнэ.
Энэ долоо хоногт чуулганы нэгдсэн хуралдаанаар Монгол Улсын 2019 оны
төсвийн төсөл, “Ялтан шилжүүлэх тухай Монгол Улс, Бүгд Найрамдах Казахстан Улс
хоорондын гэрээ”-г соёрхон батлах тухай хэлэлцэх юм. Мөн Монгол Улсын Засгийн
газар, ХБНГУ-ын Засгийн газар хоорондын байгуулсан “Төвийн бүсийн цахилгаан
дамжуулах, түгээх сүлжээний үр ашгийг дээшлүүлэх төсөл”-ийн Санхүүгийн хамтын
ажиллагааны хэлэлцээр, Монгол Улсын Сангийн яам, ХБНГУ-ын Франкфурт хот дахь Сэргээн
босголтын банк хоорондын Зээлийн болон төслийн гэрээг соёрхон батлах тухай, хуулийн
төсөл, “Биологийн олон янз байдлыг хамгаалах, уур амьсгалын өөрчлөлтөд дасан
зохицох нь-II төсөл”-ийн Санхүүгийн хамтын ажиллагааны хэлэлцээрийг соёрхон
батлах тухай хуулийн төслийг хэлэлцэх юм.
Түүнчлэн Жижиг, дунд үйлдвэр,
үйлчилгээг дэмжих тухай, Онцгой албан татвараас чөлөөлөх тухай хуульд өөрчлөлт
оруулах тухай хуулийн төсөл, “Төрийн аудитын талаар төрөөс баримтлах бодлого”
батлах тухай, “Хүүхдийн мөнгөн тэтгэмжийн талаар авах зарим арга хэмжээний
тухай” тогтоолын төслийг хэлэлцэхээр төлөвлөсөн байна.
