Зүүн бүсийн математикийн олимпиадад Сүхбаатарчууд тэргүүн байрт шалгарав

ОРОН НУТГИЙН МЭДЭЭ | СҮХБААТАР
odonchimeg@montsame.mn
2018-10-22 11:32:46

Сүхбаатар /МОНЦАМЭ/. Энэ сарын 20-21-нд Багануур дүүрэгт болсон зүүн бүсийн аймгуудын математикийн дөрөвдүгээр олимпиадад Сүхбаатар аймгийн багш сурагчид өнгөлжээ.

Сүхбаатарын багш сурагчид таван алт, найман мөнгө, есөн хүрэл нийт 22 медалийг хүртэж, ийнхүү олимпиадын тэргүүн байрын эзэд болсон юм.

Тус олимпиадад  Сүхбаатар, Дорнод, Хэнтий, Дорноговь, Замын-Үүд, Говьсүмбэр, Багануур дүүргийн 384 сурагч, 22 багш оролцон оюун ухаанаа сорин өрсөлджээ. Харин Сүхбаатар аймгаас долоон багш, 60 гаруй сурагч оролцож,  улсын олимпиадад орох эрхээр хоёр сурагч шагнуулжээ.

Сүхбаатар аймгийн багш сурагчдын хувьд зүүн бүсийн аймгуудын математикийн олимпиадад 2017 онд хоёрдугаар байр, 2015, 2016 онд тэргүүн байрт шалгарч байсан юм.


                                                                                                                                                                                                                                                                                                                                                             Т.Одончимэг 

Холбоотой мэдээ