Улаанбаатар
Аймгийн аварга уншигчид дэлхийн гайхамшигт номын сангаар аялна
ОРОН НУТГИЙН МЭДЭЭ | ХЭНТИЙХэнтий
/МОНЦАМЭ/ “Бүтээлч уншлагын аймгийн уралдаан”-д тэргүүлэгчдийг
шалгаруулж, БНХАУ-ын Тьянжин хот, “Бинхайн нүд” дэлхийн гайхамшигт номын сангаар аялах эрхийн бичгээр урамшуулав.
Хэнтий
аймгийн ИТХ-аас “Оюунлаг Хэнтийчүүдийг олноор бий болгох” зорилтыг
дэвшүүлсэн бөгөөд энэ хүрээнд аймгийн Нийтийн Номын сантай хамтран “Номын өдөр”-ийг
өнгөрсөн амралтын өдрүүдэд зохион байгууллаа.
Энэхүү
арга хэмжээг Хэнтий аймаг байгуулагдсаны 95 жилийн ой,
Хэнтий аймгийн Мөрөн сумын харьяат,
хүүхдийн зохиолч Дамдинцоогийн Содномдорж,
Батширээт сумын харьяат,
үргэлжилсэн үгийн зохиолч Батын Нямаа нарын 90,
Норовлин сумын харьяат,
яруу найрагч Цэвэлмаагийн Нэргүйн 80
насны ойг тохиолдуулан зохион байгуулж байгаа юм. Чингисийн
талбайд нэрт зохиолчдын намтар, зохиол бүтээлийн танилцуулга,
“Номын худалдаа”, “Номын солилцоо”,
“Ном уншлагын уралдаан” болов.
“Бүтээлч уншлагын аймгийн уралдаан”-д оюун ухаан,
мэдлэг чадвараа дайчлан амжилттай оролцож,
аймгийн аваргын болзол,
шалгуур хангасан Хэрлэн сумын зургадугаар багийн иргэн М.Дэлгэрзаяа,
Хэрлэн нэгдүгээр сургуулийн 8а ангийн сурагч Т.Намуун,
Хэрлэн нэгдүгээр сургуулийн 5в ангийн сурагч С.Болортуяа,
Цэнхэрмандал сумын Ерөнхий боловсролын сургуулийн 5б
ангийн сурагч С.Хулан нарт “Номтой нөхөрлөгч”
аймгийн аварга цол”, Тэргүүний уншигч
“Д.Нацагдорж тэмдэгтэн” шагнал гардууллаа.
Тусгай шагналаар Өмнөдэлгэр сумын
ЕБС-ийн номын санч Д.Эрдэнэчимэг,
Бор-Өндөр сумын иргэн Ч.Роза, Хэрлэн нэгдүгээр сургуулийн сурагч А.Есүгэн нар шалгарав. Мөн ном уншиж шалгуур хангасан дөрвөн иргэн тэргүүний уншигч “Д.Нацагдорж тэмдэгтэн” боллоо.
Сэтгэгдлүүд