Бэлчээрийн хортонтой тэмцэх ажилд 150 сая төгрөг зарцуулжээ

ОРОН НУТГИЙН МЭДЭЭ | БАЯНХОНГОР
munkhzul@montsame.mn
2018-09-21 10:50:34

Баянхонгор /МОНЦАМЭ/. Бэлчээрийн хортон мэрэгчтэй тэмцэх ажлын хүрээнд Баянхонгор аймагт Орон нутгийн хөгжлийн сангаас 150 сая төгрөгийг төсөвлөн ажиллажээ.

Тендерт шалгарсан "Ургах ам" ХХК 30 тн бактержуулсан бэлдмэлээр бэлчээрийн хортон мэрэгчийг устгах ажлыг зохион байгуулсан байна. Эрдэнэцогт сумын таван мянган га газарт зургаан тонн, Өлзийтийн 10 мянган га-д 12 тонн, Баян-Овоо сумын 2.5 мянган га-д гурван тонн, Хүрээмарал сумын дөрвөн мянган га-д дөрвөн тонн, Бууцагаан сумын дөрвөн мянган га-д дөрвөн тонн хор цацах ажлыг гүйцэтгэжээ. Техникийн үр дүн 85 хувьтай  байна.

Мөн энгийн механик аргаар Баянбулаг, Хүрээмарал, Бууцагаан, Баян-Овоо, Эрдэнэцогт, Өлзийт, Баянхонгор, Баян-Өндөр суманд хийхээр гэрээ байгуулан шаардлагатай санхүүжилтын 70 хувийг сумдад олгожээ. Эцсийн дүн мэдээ 10 дугаар сард гарна.

                                                         Б.Мөнхзул

Холбоотой мэдээ