Хууль зүйн байнгын хорооны хуралдаан хойшлов

МОНГОЛЫН МЭДЭЭ
ariunbold@montsame.gov.mn
2015-09-18 17:22:43

УИХ-ын Хуульзүйн байнгын хороо өнөөдөр хуралдахаар төлөвлөж байсан ч ирц хүрээгүйн улмаас хойшиллоо.

УИХ Өршөөл үзүүлэх тухай хуульд Ерөнхийлөгчийн хэсэгчлэн тавьсан хоригийг хүлээж авсан. Үүнтэй холбогдуулан Хуульзүйн байнгын хорооны хуралдаанаар Өршөөл үзүүлэх тухай хуульд холбогдох нэмэлт, өөрчлөлт оруулах асуудлыг хэлэлцэхээр төлөвлөж байсан. Гэвч ирц хүрээгүйн улмаас хуралдааныг хойшлууллаа.

УИХ-ын ээлжит бус чуулганы хугацаа өнөөдөр дуусч байгаа. Байнгын хорооноос хуульд өөрчлөлт нэмэлт оруулах тухай хэлэлцэж амжаагүй тул Өршөөл үзүүлэх тухай хууль хэвийн хэрэгжих эсэх талаар УИХ-ын дэд дарга Р.Гончигдоржоос тодруулахад, “Ерөнхийлөгчийн хориг тавьснаас бусад заалт хэвийн хэрэгжинэ” гэсэн тайлбар өглөө.

Ч.Ариунболд

関連ニュース
コメント