Ulaanbaatar
Бээжин-Манжуурын нислэг манай улсаар дайран өнгөрнө
ДЭЛХИЙН МЭДЭЭ | НИЙГЭММАНЖУУР. /163/. Хэдхэн хоногийн өмнөөс эхлэн Хайнаны агаарын тээврийн “Боинг 737-800” онгоц Бээжингийн нисэх онгоцны буудлаас хөөрч, Монгол Улсын агаарын хилээр дайран БНХАУ-ын Манжуур хотын нисэх буудалд урьдынхаасаа арай эрт газардахаар болж байна.
Энэ нислэг БНХАУ-ын бусад улсыг дайран өнгөрч буй анхны дотоодын нислэг болж байгаа юм. Энэ чиглэл Бээжингээс Манжуур хүртэлх агаарын замыг 159 км-ээр товчилж байгаа бөгөөд нислэгийн хугацааг 12 минутаар хэмнэнэ. Хойшид 213 км замыг товчилж 18 минут болгохоор төлөвлөж байна. Манжуур хот нь баруун талаараа Монгол Улстай, хойд талаараа ОХУ-тай хиллэдэг бөгөөд урьд нь БНХАУ-ын Бээжин, Хөх хот зэрэг хотоос Манжуур луу нисэхдээ гадаад улсын агаарын хилийг нэвтрэхгүйн тулд тойрч нисдэг байжээ. Цаашид Хятад улс Шиньжаан болон баруун хойд бүс нутгаас зүүн хойд бүс нутаг руу чиглэсэн дотоодын нислэгийг энэ маягаар Монгол Улсаар дайран үйлдэхээр төлөвлөж байна.
С.Мягмардулам
