Ulaanbaatar
ДОРНОД: Станцын шинэ өргөтгөлд анхны галлагааг хийлээ
ОРОН НУТГИЙН МЭДЭЭ | ДОРНОД
Чойбалсан, 2024 оны дөрөвдүгээр сарын 24 /МОНЦАМЭ/. "ДБЭХС" ТӨХК-ийн 50 МВт-ын өргөтгөлийн зуухны туршилтын 72 цагийн галлагааг өнөөдөр хийлээ.
Шинэ өргөтгөл ашиглалтад орсноор Дорнод, Сүхбаатар аймгийн 36 сум, суурин газрын 25 мянга орчим өрх, 3 мянга гаруй аж ахуйн нэгж, албан байгууллага, уул уурхайн 13 ордын баяжуулах, олборлох үйлдвэр, Чойбалсан хотын 800 гаруй аж ахуйн нэгж, 6 мянга гаруй өрхийг найдвартай эрчим хүчээр хангах боломж бүрдэж байгаа юм. Түүнчлэн 100 гаруй байнгын ажлын байр бий болж байна.
Зүүн бүс нутгийн хөгжилд уул уурхайн олборлох, боловсруулах үйлдвэрлэл тэргүүлэх ач холбогдолтой. Үүнийг дагасан эрчим хүчний хэрэглээ хурдацтай өсөж байна. Тухайлбал, энэ жил зүүн бүсийн эрчим хүчний хэрэглээ 72 МВт-д хүрсэн бол ирэх онд 92 МВт болж нэмэгдэнэ.
