Ulaanbaatar
"Монгол хаан" жүжгийн продюсер А.Баярцэцэг Соёлын элч болов
МОНГОЛЫН МЭДЭЭ | СОЁЛ УРЛАГ
Улаанбаатар, 2024 оны дөрөвдүгээр сарын 16 /МОНЦАМЭ/. Гадаад харилцааны сайд Б.Батцэцэг Монгол Улсын Соёлын элчээр томилогдсон жүжигчин, продюсер А.Баярцэцэгийг хүлээн авч уулзан Монгол Улсын Соёлын элчийн гэрчилгээг гардуулав.
Гадаад харилцааны сайд Б.Батцэцэг театрын урлагаар дамжуулан Монголын өв уламжлал, соёл, түүх, үнэт зүйлийг олон улсад таниулахад үргэлжлүүлэн идэвхтэй ажиллаж, "Монгол хаан" жүжгийн гадаадын улс орнуудад толилуулах ажилд нь амжилт хүсэв.
А.Баярцэцэг “Netflix”-ийн бүтээл “Марко Поло” кинонд Болормаагийн дүрийг бүтээж, Холливудын кино найруулагчидтай хамтран ажиллаж, Монгол Улсаа сурталчлахад хувь нэмэр оруулахын зэрэгцээ "Монгол хаан" жүжгийг Лондон хотын Колизеум театрт тоглуулах төслийг амжилттай хэрэгжүүлсэн юм.
