Н.Алтангэрэл нарын зургаан хүн хурандаа цол хүртлээ

МОНГОЛЫН МЭДЭЭ | ХУУЛЬ
batsaikhan@montsame.mn
2015-09-30 12:07:56

Монгол Улсын Ерөнхийлөгчийн баталсан "Цэргийн цол олгох журам"-ын дагуу ЗХЖШ-ын дарга, хошууч генерал Д.Даваагийн тушаалаар зургаан дэд хурандаад цол ахиулан  хурандаа цол олголоо.

Батлан хамгаалах яамны Хяналт-шинжилгээ, үнэлгээ, дотоод аудитын газрын ахлах мэргэжилтэн, дэд хурандаа Д.Найданцэрэн, Батлан хамгаалах их сургуулийн Батлан хамгаалахын эрдэм шинжилгээний хүрээлэнгийн Дайн цэргийн урлагийн судлалын төвийн дарга, дэд хурандаа Ц.Гандорж, Зэвсэгт хүчний 330 дугаар ангийн захирагч, дэд хурандаа Н.Алтангэрэл нарт хурандаа цол олгов. Мөн Зэвсэгт хүчний 123 дугаар ангийн захирагчийн нэгдүгээр орлогч, штабын дарга, дэд хурандаа Ц.Буяндэлгэр, Зэвсэгт хүчний 186 дугаар ангийн захирагчийн нэгдүгээр орлогч, штабын дарга, дэд хурандаа М.Болдбаатар, Хууль сахиулах их сургуулийн Хилийн сургуулийн захирал, дэд хурандаа В.Жавхланцогт нар хурандаа цолын мөрдэс зүүв.

Ж.Батсайхан

相关新闻
注释